ZAPORE SOLIDARIO - OROZKO

Orozko - Kanpaina solidarioa errefuxiatuekin Lesbosen

ZAPOREAK Lesbos uharteko errefuxiatuei arreta eta laguntza ematea helburu duen GGKE bat da, errefuxiatuei janari osasungarria eskainiz eta pertsona horiekin eta horientzat lan egiten duten hainbat erakunderekin lankidetzan arituz.

Greziako errefuxiatu-esparruetako pertsonen egoerak kritikoa izaten jarraitzen du. Milaka pertsonek bertan jarraitzen dute pilatuta, eta giza eskubideak urratu egiten zaizkie.

Elikadura duina izateko eskubidea oinarrizkoa da gizaki ororentzat, eta Orozko herri solidarioa eta parte-hartzailea denetik, kanpaina solidario honetan parte hartzera gonbidatu nahi zaituztegu, pertsona horien errealitatea ezagutu eta Zaporeak elkarteak haientzat egiten duen lan garrantzitsuan laguntzeko.

Azken urtean, Zaporeak elkartearen sukaldean, 3.000 janari errazio baino gehiago prestatu dira egunero.

Azaroaren 8an, Orozkoko Museoan, errefuxiatu-esparruei eta Zaporeak elkarteak Lesbosen egiten duen lanari buruzko argazki-erakusketa bat inauguratuko da. Bertan izango dira GGKEko kideak. Azaroaren 24ra arte egongo da ikusgai.

Azaroaren 15ean, 19:00etan, Donibane Aretoan, "EXOPIA" dokumentala proiektatuko dugu, eta, horren ondoren, hura filmatu zuen lantaldearen zati batekin hitz egingo dugu, Zaporeak taldeko kideekin, eta zuzeneko konexioa egingo dugu Lesbosekin, egungo egoeraren berri eman diezaguten.

Azaroaren 22an, ostirala, 18:00etatik 20:00etara eta 23an, larunbata, 11:00etatik 13:00etara, elikagaiak (arroza, pasta, olioa eta lekaleak) jasoko dira udaletxeko arkuetan. Ekitaldi guztietan zehar, Zaporeak elkartearen material solidarioa erosten laguntzeko aukera egongo da, baita elkarlan mota ezberdinen inguruko informazioa ere (dohaintzak, bazkideak, bazkideak, boluntarioak).

ZAPOREAK SOLIDARIOA